Do maior

Do maior
Irudi gehiago
Musika
Tonalitate erlatiboa	La minor
Tonalitate paraleloa	Do minor
Notak
do, re, mi, fa, sol, la, si, do

Do maior tonalitatea (DoM latindar musika notazio sisteman eta C musika notazio sistema anglosaxoian) do notan oinarritutako eskala maior baten oinarritzen da, eta do, re, mi, fa, sol, la eta si notek osatzen dute. Bere klabe armaduran ez dago ez bemolik ez sosteniturik. Bere erlatibo minorra la minor da eta bere tonalitate homonimoa do minor.

Bere musika noten ondorioz, bere tonalitateko akorde maiorrak do maior, fa maior eta sol maior dira, minorrak la minor, re minor eta mi minor dira eta si bere akorde txikitua da.

Do maior musikan erabiltzen den tonalitaterik ohikoenetako bat da. Instrumentu transpositore asko euren jatorrizko tonalitatean entzuten dira do maiorrean idatzitako zati bat jotzea tokatzen zaienean. Adibidez, do maiorrean idatzitako lan bat jotzen duen si bemolean afinatutako klarinete bat si bemol maiorrean entzungo da. Pianoaren tekla zuriak do maiorreko tonalitateari dagozkie. Do maiorrean afinatutako harpa batek bere pedal guztiak erdian jarriak ditu.

Musika klasikoan meza eta tedeum asko do maiorrean idatzita daude.

${ \override Score.TimeSignature #'stencil = ##f \relative c' { \clef treble \key c \major \time 7/4 c4 d e f g a b c b a g f e d c2 } }$

Do maior tonalitateko musika-lanak

Konposizio klasikoak

Maurice Ravel: Bolero
Joseph Haydn: 30. sinfonia, S82. sinfonia.
Wolfgang Amadeus Mozart: 36. sinfonia eta 41. sinfonia "Júpiter".
Ludwig van Beethoven: 1. sinfonia. Aipagarria da azken mugimendua 5. sinfonian eta beste honena: Pianorako 21. sonata
Franz Schubert: 9. sinfonia
Robert Schumann: 2. sinfonia
Richard Wagner: Die Meistersinger von Nürnberg opera (oberturan eta beste zati batzuetan)
Georges Bizet: sinfonia do maiorren
Jean Sibelius: 7. sinfonia
Terry Riley: In C