Valierri

Valierri^[1] (arabieraz: ولاية‎, wilāya, pluralez wilāyat, wilayat; urduz eta persieraz: ولایت‎, velâyat; turkieraz: vilayet) herrialde musulman batzuen azpibanaketa administratiboa da. Kalifa-herriko eta Otomandar Inperioko antzinako probintzien izena zen. Hitza "probintzia" moduan itzuli ohi da, eta baita "gobernazio" moduan ere. W-l-i arabiar hitzetik dator, euskaraz "gobernatu" esan nahi duena: Vali (wāli) batek valierria gobernatzen du. Valierriak, kalifa-herriaren azpian izanda ere, ia subiranoak ziren.