Tawfiq al-Hakim edo Tawfik el-Hakim (egiptoar arabieraz: توفيق الحكيم, Tawfīq el-Ḥakīm; Alexandria, 1898ko urriaren 9a - Kairo, 1987ko uztailaren 26a) egiptoar idazlea izan zen. Arazo politiko-sozialak erabili zituen bere eleberrietako gai gisa: Kanpainako lege-arduradun baten egunkaria (1937). Antzerkigile oparoa zen; mito klasikoak, Mila eta bat gau eta tradizioa zituen inspirazio-iturri, eta sinbolismoz beteriko molde errealistez janzten zituen bere obrak: Xerezade (1934), Edipo Errege (1939), Pigmalion (1942), Sultanaren dilema (1960), Egun batean esan nuen (1970). XX. mendeko antzerkigile egiptoarretan seinalatuena izan da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Irudi gehiago
Egipto
Datuak: Q2019161
Multimedia: Tawfiq Al-Hakim / Q2019161
