Sestaoko traineruak

Sestao
Sorrera	Kaiku Arraunaren Kirol Elkartea (1923) Iberia Arraun Elkartea (1944) Sestaoko Arraunlariak (2008)
Herria	Sestao, Bizkaia
Patroia(k)	Andoni Arraiz Norberto Torres "Txirri" Asier Zurinaga
Kolorea(k)	berdea
Trainerua	Juanita, Kaikutarra, Bizkaitarra, Hojalatera...
Palmaresa	8 Kontxako Bandera 3 TKE Liga 1 KAE Liga 7 Espainiako Txapelketa 7 Euskadiko Txapelketa 16 Bizkaiko Txapelketa

Sestaoko traineruak nagusiki bi elkarte izan dira historian zehar, Kaiku Arraunaren Kirol Elkartea eta Iberia Arraun Elkartea. 2008an Sestaoko Arraunlariak adinekoen taldea sortu zen.

Historia

Arraunaren hasiera

Sestaoren arraun historia oso luzea da. 20 eta 30. hamarkadako Bizkaiko estropadetan herriko hainbat talde aritu ziren arraunean, hala nola Kaiku eta gerora futbolean arituko zen Sestao Sport. Kaiku taldea Simondrogas auzoan 1923ko abenduaren 22an sortu zuen Pedro Barrondok. 30. hamarkadaren hasieran lortu zituen lehenengo garaipenak Bilbo aldeko estropadetan eta 40. hamarkadan ere Kontxako ohiko trainerua bihurtu zen.

50. hamarkada

50. hamarkadan aldiz Iberia nagusitu zen, Espainiako batel eta trainerilla txapelketa ugari lortuz eta trainerutan Kontxako Bandera eta A Coruñako Generalísimo Kopa famatuak irabaziz. 1954 urtea bereziki izan zen ona klubarentzat, Andoni Arraiz patroiaren agindutara bandera biak irabazi baitzituen. Urte horietan Espainiako Traineru Txapelketa irabaztea falta izan zitzaion, 9 aldiz bigarren postuarekin konformatu behar izan baitzuen. 1959an Kaikurekin bat eginda Sestao izena erabiliz bigarren Kontxako bandera irabazi zuen Iberiak.

Bizkaitarren Urrezko Aroa

1976an Santurtzik Nerbioiko Sari Handia irabaztearekin batera "Bizkaitarren urrezko aroa" iritsi zen. 1985 artean ia Kontxa eta Txapelketa nagusi guztiak Kaiku eta Santurtziren artean banatu ziren. Bien arteko lehiak ikusgarriak izan ziren, baina 1980 denbioraldiaren amaiera aldera Kaikuk gora egin zuen eta Soterari nagusitu egin zitzaion hurrengo urteetan.

XXI mendea

Urte asko itzalean egon ondoren Kaikuk berriz ere "Jose Luis Korta" fitxatu zuen eta KAE 2. mailan zegoen taldeak fitxaketa handiak egin eta puntako elkarte bihurtu da. Azken lau urteetan 2 Kontxa irabazi ditu eta hirugarren liga irabaztear dago. Iberiak aldiz urte banaka batzutan atera izan du trainerua baina jarraipenik ez du izan eta 2002tik aurrera lehorrean izan da.

Patroi historikoak

Hauek dira Kontxako Banderak lortu dituzten patroiak:

Norberto Torres "Txirri" (4): 1978, 1980, 1981, 1982. Kaiku.
Andoni Arraiz (1): 1954. Iberia.
Manuel Arraiza (1): 1959. Sestao.
Asier Zurinaga (1): 2009. Kaiku.
Cristian Garma (1): 2012. Kaiku.

Palmaresa

Bandera eta Txapelketa nagusiak bakarrik agertzen dira hemen. Gainonzeko garaipenak ikusteko jo ezazue talde bakoitzaren orrialdera.

Kontxako Bandera

Txapeldunak (8): 1954, 1959, 1978, 1980, 1981, 1982, 2009 eta 2012.
Bigarrenak (4): 1945, 1946, 1979 eta 2011.
Hirugarrenak (8): 1935, 1948, 1950, 2010, 2013, 2014, 2016 eta 2017.
Sailkapen estropadako irabazlea (5): 1981, 1983, 2009, 2012 eta 2014.

TKE Liga

Txapeldunak (3): 2011, 2012 eta 2013.
Bigarrenak (0)
Hirugarrenak (2): 2014, 2016.
KAE 1 maila (1): 2008.
KAE 2 maila (1): 2006.
Euskal Liga (0): Zortzigarren 1994ean.

Espainiako Traineru Txapelketa

Txapeldunak (7): 1978, 1981, 1982, 2009, 2010, 2011 eta 2013.
Bigarrenak (12): 1952, 1955, 1957, 1958, 1959, 1960, 1963, 1964, 1966, 1980, 2012 eta 2014.

Euskadiko Traineru Txapelketa

Txapeldunak (7): 1979, 1980, 1981, 2009, 2010, 2012 eta 2013.
Bigarrenak (2): 1985 eta 2011.

Bizkaiko Traineru Txapelketa

Txapeldunak (15): 1944, 1966, 1971, 1972, 1973, 1978, 1980, 1982, 1986, 1993, 2009, 2010, 2011, 2012 eta 2013.

Estropada zaharrak

Bilboko estropada zaharrak (5): 1931, 1932, 1932, 1933 eta 1934.

Aro modernoko estropadak

Nerbioiko Sari Handia (4): 1978, 1980, 1981 eta 1982.
El Corte Ingles Bandera (11): 1971, 1972, 1978, 1980, 1981, 1982, 1986, 2011, 2013, 2014 eta 2015.
- Bizkaitarren Promozio Bandera (1): 1977
Generalisimoaren Kopa (A Coruña) (3): 1953, 1954 eta 1976.
Zarauzko Ikurrina (5): 1978, 2011, 2012, 2013 eta 2014.

Trainerillak

Espainiako Trainerilla Txapelketa (13): 1950, 1951, 1955, 1961, 1975, 1976, 1977, 1978, 1979, 1980, 1981, 1982 eta 2012.
Euskadiko Trainerilla Txapelketa (8): 1979, 1982, 1983, 2009, 2010, 2012, 2013 eta 2015.