San Zernin eliza

San Zernin eliza San Saturnino eliza
UNESCOren gizateriaren ondarea Kultura ondasuna
Nafar bidea Iruñeko Alde Zaharra
San Zernin eliza. Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Iruñea
Koordenatuak	42°49′05″N 1°38′42″W / 42.81819°N 1.64492°W / 42.81819; -1.64492
Historia eta erabilera
Izenaren jatorria	Zernin Tolosakoa
Erlijioa	Erromatar Eliza Katolikoa
Elizbarrutia	Iruñea eta Tuterako artxidiozesia
Izena	Zernin Tolosakoa
Arkitektura
Estiloa	arkitektura erromanikoa
Gizateriaren ondarea
Erreferentzia	669-199
Eskualdea[I]	Europa eta Ipar Amerika
Izen-ematea	bilkura)
BIC	RI-51-0008989
199
Kontaktua
Helbidea	Calle San Saturnino, s/n
Webgune ofiziala
↑ UNESCOk egindako sailkapenaren arabera

San Zernin eliza (bertako okzitaniar biztanleek Erdi Aroan erabiltzen zuten izena) edo San Saturnino eliza Nafarroako (Euskal Herria) Iruñea hiriburuko Alde Zaharraren erdialdean dagoen eliza katoliko bat da. Izena Saturdi Tolosakoaren omenez darama. Euskal tradizioan, Jaun Done Saturdi (Satordi) du izena.^[1]

Kokalekua

Iruñeko Alde Zaharran dago, San Saturnino kalea, Florencio Ansoleaga kalea eta Campana kalearen artean dago.

Historia

Gaur egungo eliza gotikoa XIII. mendekoa da. Hala ere, kokaleku berberean antzinako tenplu bat eta XII. mendeko eliza erromaniko bat ere izan ziren. Izan ere, dirudienez, San Zernin eliza Diana jainkosa erromatarrari eskainitako tenplu baten gainean eraiki zen.^[2]

Erdi Aroan bi funtzio bete zituen: erlijiosoa eta defentsakoa. Garai hartan Iruñea hiru burgu independentetan banaturik zegoen, eta eliza hau gehienbat frantziarren bizilekua zen San Zernin burguaren parrokia zen. Burgu haiek euren artean borrokan aritu ohi ziren etengabe, eta horregatik elizaren dorreen goialdeak defentsa almenez beteak zeuden; XVIII. mende arte mantendu ziren almena haiek.

Elizako dorreez gain, ataria ere nabarmentzekoa da; Done Jakueren eta San Saturninoren tailu ederraz apaindurik dago. Barnealdean, seizatikatutako ganga bat duen nabe gotiko bakar eta oso zabal bat du, bai eta kontrahormen arteko kaperak eta koru jaso bat, eta gehitutako kapera barroko handi bat ere, eta azken horretan XVII. mende arte klaustro bat izan zen. Kapera hori Bideko Ama Birjinaren omenezkoa da —Iruñeko Andre Maria baita—, eta barroko erakoa da.

San Zernin elizako kanpaiak joz iragartzen dute Sanfermin jaien hasiera.

Erreferentziak

Ikus gainera

• Iruñeko Kultura Ondasun zerrenda

Kanpo estekak

• San Zernin elizari buruzko argibidea Iruñeko Udal webgunean
• San Saturnino edo San Zernin elizaren argibidea Nafarroako Turismo webgunean

• Datuak: Q3756728
• Multimedia: Church of San Cernín, Pamplona / Q3756728