Peutingerren taula

Peutingerren taula
Jatorria
Sorrera-urtea	XII. mendea
Honen izena darama	Konrad Peutinger (en)
Ezaugarriak
Dimentsioak	34 () × 674 () cm
Hizkuntza	latina
Kokapena
Lekua	Viena
Bilduma	Austriako Liburutegi Nazionala

Peutingerren taula, latinez: Tabula Peutingeriana, Erromatar Inperioaren errepide sarea adierazten duen eskuizkribu bat da. Viena hirian dagoen Austriako Liburutegi Nazionalan ikusgai dago. Jatorrizko mapa IV. mendetik aurrera marraztu zen, 328an sortutako Konstantinopla hiria agertzen baita, baina gaur egungoak haren kopiak besterik ez dira. Europaz gain, Iparraldeko Afrika eta Asiaren zati bat (India) agertzen dira. Izena XV-XVI. mendeko Konrad Peutinger alemaniar diplomazialariari zor dio.

Oso mapa eskematikoa da: lur-masak desitxuratuta daude, bereziki ekialde-mendebalde norabidean. Erromatarren kokaleku asko ditu, lotzen dituzten errepideak, ibaiak, mendiak eta itsasoak. Asentamenduen arteko distantziak ere barne hartzen ditu^[1]. Taula marratu zuenak ez zuen lurraren forma erreala irudikatu nahi. Tabula «ibilbideetan» oinarritzen da, eta erromatar galtzadetan zehar zeuden helmugen edo geralekuen zerrendetan. Bidaiariek galtzada hartuz puntu batetik bestera abiatzen zirenean, bidean zer zeukaten eta zenbat geratzen zen jakin behar zuten. Peutingeriar taulak adierazten du galtzada horiek lerro paraleloen sail baten moduan, eta horietan zehar helmugak markatuta daude, hiri garrantzitsuenak, gehienetan. Inperioko hiri zentralak, modu berezian marraztuta daude: Erroma, Konstantinopla eta Antiokia^[1].

• 
  Erroma.
• 
  Konstantinopla
• 
  Antiokia.

Erreferentziak

Ikus, gainera

• Antoninoren Ibilbidea
• Ravenako kosmografia

Kanpo estekak

• Pautingerren taula osa zatika. (Falta den zatia berreraikita dago). Traianus.net
• 23 octubre, 2018 | Alberto Pérez Rubio. 2018-10-23. "La Tabula Peutingeriana y el ORBIS ROMANVM – MCXXXI AB VRBE CONDITA", despertaferro-ediciones.com

• Datuak: Q12767
• Multimedia: Tabula Peutingeriana / Q12767