Oskar Matute
Oskar Matute | |||||||||||||||||
---|---|---|---|---|---|---|---|---|---|---|---|---|---|---|---|---|---|
(2023) Irudi gehiago | |||||||||||||||||
2019ko abenduaren 3a - Barrutia: Bizkaia Hautetsia: 2019ko azaroko Diputatuen Kongresuko hauteskunde orokorrak, Q69822695
2019ko maiatzaren 14a - 2019ko irailaren 24a Barrutia: Bizkaia Hautetsia: 2019ko apirileko Espainiako hauteskunde orokorrak
2016ko uztailaren 18a - 2019ko martxoaren 5a Barrutia: Bizkaia Hautetsia: 2016ko Espainiako hauteskunde orokorrak
2012ko azaroaren 20a - 2016ko uztailaren 15a - Jone Goirizelaia → Barrutia: Bizkaia Hautetsia: Eusko Legebiltzarreko X. legealdia
2009ko apirilaren 29a -
2005eko uztailaren 13a - 2009ko urtarrilaren 6a ← Javier Madrazo Lavín Barrutia: Bizkaia Hautetsia: Eusko Legebiltzarreko VIII. legealdia
2002ko urtarrilaren 9a - 2005eko otsailaren 22a ← Javier Madrazo Lavín Barrutia: Araba Hautetsia: Eusko Legebiltzarreko VII. legealdia
| |||||||||||||||||
Bizitza | |||||||||||||||||
Jaiotza | Barakaldo, 1972ko urriaren 5a (51 urte) | ||||||||||||||||
Herrialdea | Bizkaia, Euskal Herria | ||||||||||||||||
Hezkuntza | |||||||||||||||||
Heziketa | Euskal Herriko Unibertsitatea diplomatura : Enpresa-zientziak | ||||||||||||||||
Hizkuntzak | gaztelania | ||||||||||||||||
Jarduerak | |||||||||||||||||
Jarduerak | politikaria | ||||||||||||||||
Lantokia(k) | Madril | ||||||||||||||||
Sinesmenak eta ideologia | |||||||||||||||||
Alderdi politikoa | Ezker Batua-Berdeak Euskal Herria Bildu Alternatiba (alderdia) | ||||||||||||||||
Oskar Matute García de Jalón (Barakaldo, 1972ko urriaren 5a) Euskal Herriko politikaria da, egun Alternatiba alderdiaren bozeramailea, Espainiako Barne Ministerioan Alternatiba Eraikitzen (ALER) izenaz 2009ko otsailaren 2an erregistratutakoa. Aurretik, Ezker Batua (EB) utzi zuen 2009 hasieran, alderdi horretako talde kritiko nagusiko beste kide batzuekin batera.
Euskal Herriko Unibertsitatean Enpresa Zientzietan diplomaduna, EBko presidentziako eta Ezker Batuko Federazio presidentziako koordinatzaile lanetan aritu zen. Horrez gain, Eusko Legebiltzarreko kide izan zen VII. eta VIII. Legegintzaldietan. Bietan Lurralde Plangintza eta Garraio eta Ingurumen batzordeetako lehendakariorde kargua izan zuen. VIII.ean, gainera, EITBko Kontrolerako Batzordeko lehendakaria izan zen.
2008an Ezker Batuaren VII. Asanbladarako hautagaitza alternatibo bakarraren buru izan zen, sektore kritiko gehienak biltzen zituena (Batzen eta EPA); baina Euskadiko Partidu Komunistak, ordu arte zuzendaritzaren aurkakoa zena, hautagaitza nagusiaren alde egin zuen. Hala, Javier Madrazo koordinatzaile nagusi karguan berretsi zuten, harik eta 2009ko Eusko Legebiltzarrerako hauteskundeetan izandako emaitza txarren ostean dimisioa eman zuen arte.
Bitartean, Matutek Alternatiba Eraikitzen taldea sortzeko lanetan parte hartu zuen, hasiera batean erakunde soziopolitikoa zena eta, gerora, alderdi gisa Alternatiba izenarekin aurrera egin zuena, 2009ko apiriletik Ezker Batuatik kanpo.[1] Alternatibak alderdi ezkertiar eta subiranistatzat aurkeztu zuen bere burua.
2016ko uztailetik EH Bilduren diputatua da Bizkaitik Espainiako Kongresuan.
Matute, bestalde, Lokarri, Viento Sur Fundazioa, Gogoa Fundazioa eta CCOO sindikatuko kidea ere bada. Iritzi artikuluak bere blogean eta Astekari Digitala agerkarian argitaratzen ditu.
Erreferentziak
- ↑ EBko kritikoek Alternatiba alderdi berria osatzea erabaki dute Gara, 2009ko apirilaren 30a
Ikus, gainera
- Alternatiba (alderdia)
Kanpo estekak
Wikimedia Commonsen badira fitxategi gehiago, gai hau dutenak: Oskar Matute |
- (Gaztelaniaz) Oskar Matuteren bloga
- Elkarrizketa Argian
- Elkarrizketa Berrian[Betiko hautsitako esteka]
- Datuak: Q3826664
- Multimedia: Oskar Matute / Q3826664