Elia Kazan

Elia Kazan
Irudi gehiago
Bizitza
Jaiotza	Konstantinopla, 1909ko irailaren 7a
Herrialdea	Ameriketako Estatu Batuak  Grezia
Lehen hizkuntza	ingelesa
Heriotza	New York, 2003ko irailaren 28a (94 urte)
Familia
Ezkontidea(k)	Molly Kazan  (1932 -  1963) Barbara Loden  (1967 -  1980) Frances Kazan  (1982 -  2003)
Seme-alabak	ikusi Nicholas Kazan Chris Kazan (en)
Familia	ikusi Zoe Kazan (son's daughter (en) )
Hezkuntza
Heziketa	Williams College (en) Juilliard School (en) Yale School of Drama New Rochelle High School (en)
Hizkuntzak	ingelesa greziera turkiera
Irakaslea(k)	Lucia Dunham (en) Lee Strasberg Harold Clurman
Jarduerak
Jarduerak	film-zuzendaria, gidoilaria, zinema ekoizlea, idazlea, aktorea, antzerki zuzendaria, zinema aktorea eta errealizadorea
Lantokia(k)	Ameriketako Estatu Batuak
Enplegatzailea(k)	New School (en)
Jasotako sariak	ikusi Directors Guild of America Award Zuzendari onenaren Oscar Saria  (1948) : Gentleman's Agreement Zuzendari onenaren Oscar Saria  (1955) : On the Waterfront Film onenaren Urrezko Globo Saria - Drama  (1955) : East of Eden Tony Award for Best Director  (1947) Tony Award for Best Director  (1949) Tony Award for Best Director  (1959) Kennedy Center Honors National Board of Review Award for Best Film Izarra Hollywoodeko Ospearen pasealekuan Ohorezko Oscar Saria  (1999) Donaldson Awards

Elia Kazan (grezieraz Ελία Καζάν, 1909ko irailaren 7 – 2003ko irailaren 28) greziar jatorrizko —Istanbulen (egungo Turkian) jaio bazen ere— Ameriketako Estatu Batuetako zinema eta antzerki zuzendaria zen.

Antzerkiari dagokionez, Tennessee Williamsen eta Arthur Millerren lan nagusiak zuzendu zituen: Williamsen The Glass Menagerie (1944) eta A Streetcar Named Desire (1951), eta Millerren All My Sons (1947) eta Death of a Salesman (1949).

Zinemagintzan ere zuzendari arrakastatsua izan zen. Bi Oscar irabazi zituen, 1947ko Gentleman's Agreement eta 1954ko On the Waterfront filmengatik. Sen handiko aktore andana aurkitu zuen: Marlon Brando eta James Dean, besteak beste.

Elia Kazanen salaketak

Bolada labur batean, Ameriketako Estatu Batutetako Alderdi Komunistako kidea izan zen. Hala ere, Stalinek egindako sarraskiek nazkaturik, 30eko hamarkadan alderdia utzi zuen. Gainera, ez zuen alderdikoek filmetan eskua sartzeko inolako saiorik onartzen.

50eko hamarkadan, halere, komunisten kontrako beldurra pil-pilean zegoenean, Kazanek Hollywoodeko hainbat komunista salatu zituen, amerikar ez ziren jardueretarako batzordearen aurrean (House Committee on Un-American Activities, ingelesez). Geroago azaldu zuenez, garai hartan uste zuen horrela jokatzea herrialdearen alde egiteko modu onena zela. Nolanahi ere, kritika mingotsak jaso behar izan zituen hasiera-hasieratik. 1999an, ohorezko Oscar saria eman ziotenean, zeresan handia piztu zen Hollywooden: batzuek uste zuten aspaldiko kontua izanda, haren lan artistikoak eskertzeko merezi zuela, baina beste batzuk ados ez, eta Kazanek Oscar jaso zuenean, ez zuten ezta txalotu ere egin.

Filmografia

Taula honetan ikus daitezke filmaren bi aktore, enpresa ekoizlea eta beste izenburuak beste hizkuntza batera itzuli bada (gaztelania, frantsesa, euskara, katalana edo galiziera):

Kanpo estekak

• Datuak: Q72717
• Multimedia: Elia Kazan / Q72717