Demi-Leigh Nel-Peters

Demi-Leigh Nel-Peters
Irudi gehiago
Bizitza
Jaiotza	Sedgefield (en) , 1995eko ekainaren 28a (28 urte)
Herrialdea	Hegoafrika
Familia
Ezkontidea(k)	Tim Tebow (en)  (2020 -
Hezkuntza
Heziketa	North-West University (en)
Hizkuntzak	ingelesa afrikaansa
Jarduerak
Jarduerak	modeloa eta edertasun lehiaketan parte-hartzailea
Altuera	171 zentimetro
Jasotako sariak	ikusi Miss Universe 2017 Miss South Africa 2017

Demi-Leigh Tebow, ezkongabetan Nel-Peters, ( Sedgefield, Hegoafrika, 1995eko ekainaren 28a) hegoafrikar enpresaburua, alkatea eta modeloa da, edertasun lehiaketetan jardun duena. Miss Unibertso 2017 izan zen, titulu hori irabazi zuen herrialdeko bigarren emakumea, aurrekoa Margaret Gardiner izan zen 1978. urtean.

Biografia

1995eko ekainaren 28an jaio zen Sedgefielden, Mendebaldeko Lurmutur probintzian, Hegoafrikan. 1994ko hauteskundeen ondoren Hegoafrika demokratikoan Miss Unibertso lehiaketa irabazi zuen lehena izan zen. Bere amak Anne-Mari Steenkamp du izena. Demi-Leighen aitarengandik banandu ondoren, Johan Steenkampekin ezkondu zen. Bere motibazio eta inspirazio handiena Franje ahizpaordeak eman zion, ezgaitua baita. Izan ere, garuntxorik gabe jaio zen, eta, bere egoerarengatik, Demi-Leighek uste du bizitza berezia dela eta beti indartsu lan egin nahi du eta ahizpaordearen ordezko bizitza ere gozatu, esperientzia bakoitza berezia egin beretzat. Potchefstroomen bizi da Franje, Elzabé Peters amaordearekin eta Bennie Peters aitarekin. Enpresen administrazioko lizentziatura lortu zuen bere herrialdeko North-West Unibertsitatean. Emakumeak beren burua defendatzeko eta norberaren burua defendatzen gaitzeko eta beren ahalduntzea indartzeko garatzen laguntzen duen programa batean lan egiten du. Unbreakable izena du, eta, bertan, tailer horiek ahalik eta emakume gehienekin partekatzen saiatzen da. Gainera, mundu osoko emakumeei beren gaitasun komertzialak garatzen laguntzeko plataforma globala izatea espero du. Ingelesez eta afrikaansez aise hitz egiten du, azken hori baita hizkuntza nagusia.^[1]

Lurmutur Mendebaldeko George herriko alkate gazteena izan zen 17 urte zituenean.

Edertasun lehiaketak

Miss Hegoafrika 2017

Mendebaldeko Lurmuturra ordezkatu zuen Miss Hegoafrika 2017an, eta irabazi egin zuen.^[2] Miss Hegoafrika izanda, bere herrialdea Miss Mundo 2017an eta Miss Unibertso 2017an ordezkatzeko eskubidea lortu zuen, baina desfileen datak bat etorri zirenez, Miss Unibertsora bidali zuten. Koroaren ondoren, Nel-Peters koroa irabazteko faboritotzat hartu zuten. Kolonbiako ordezkariarekin, Laura González Ospinarekin lehiatu ondoren irabazi zuen. Haiek ziren geratzen ziren azken 2 finalistak; izan ere, Davina Bennett, Jamaikako ordezkaria hirugarren postuan geratu zen, eta publikoaren eta epaimahaiaren bozketaren ondorioz, Demi-Leigh atera zen garaile.^[3]

Miss Unibertso 2017

Miss Universo 2017 aukeratzeko ekitaldia azaroaren 26an egin zen, Planet Hollywood Resort and Casinon (Las Vegas, Estatu Batuak). Han, 92 naziotako ordezkariekin lehiatu zen. Lehiaketa hori irabazi zuen bigarren hegoafrikarra izan zen.^[4][5] Miss Unibertsoren 66. edizioan Nel-Peters Hegoafrikarra izan zen erregina, bere herrialdeko bigarrena, aurretik, 27. edizioan Miss Unibertso 1978 Margaret Gardinerrek irabazi eta 39 urtera.^[6][7]

Ezkontza

Miss Universo 2017 erreginaldian, Nel-Peters Tim Tebow-ekin irteten hasi zen, futbol amerikarreko jokalari profesionalarekin. Miss Unibertsoren agur-afarian, Nel-Petersek eskerrak eman zizkion Tebow-i emandako laguntzarengatik.^[8] Nel-Peters-ek eta Tebow-ek 2019ko urtarrilaren 9an Jacksonvilleko (Florida) Tebow-en familia-landetxean konpromisoa hartu zuten.^[9] 2020ko urtarrilaren 20an ezkondu ziren Franschhoeken (Hegoafrika), Cape Townetik ordubetera, gutxi gorabehera.^[10] Tebow bezala, bera kristaua da.^[11]

Erreferentziak

Kanpo estekak

• Miss Hegoafrikaren webgune ofiziala

• Datuak: Q29043438
• Multimedia: Demi Leigh Nel Peters / Q29043438