Dekatloi

Dekatloia (Greziera klasikoaz: δέκα Deka, "Hamar", αθλος Athlos, "Norgehiagoka) atletismoaren arlorik gorena da hainbaten ustez. Hamar proba barne hartzen du espezialitate honek, bi egunetan jarraian jokatutakoa eta puntuen arabera baloratutakoa.

Proba hau antzinako pentatloitik etorria da, Grezia klasikoan jokatutakoa eta barne luzera jauzia, disko eta xabalina jaurtiketak, esprinta eta borroka hartzen zituena. Olinpian sortu zuten K. a. 708. urtean, eta oso ezaguna eta zabalduta egon zen mendeetan zehar.

1911an oraingo moduan antolatu zuten lehenengo aldiz, eta 1964an bestela gaurko jarraibideak ezarri zituzten. Gizonezkoek parte hartzen dute gehien-gehienetan, heptatloian emakumezkoek jarduten duten bitartean.

Probak

• 1. egunean:
  • 100 metroko lasterketa
  • Luzera jauzia
  • Pisu jaurtiketa
  • Altuera jauzia
  • 400 metroko lasterketa

• 2. egunean:
  • 110 metroko hesi-lasterketa
  • Disko jaurtiketa
  • Pertika jauzia
  • Xabalina jaurtiketa
  • 1.500 metroko lasterketa

Dekatletak

Daley Thompson britainiarra inoizko hoberena da hainbat adituren ustez, eta beste dekatleta nabarmenen artean Paavo Yrjölä finlandiarra, Bruce Jenner estatubatuarra eta Jürgen Hingsen alemaniarra ditugu.

Kanpo estekak

• (Ingelesez)Team Decathlonen webgunea^{[Betiko hautsitako esteka]}

• Datuak: Q184654
• Multimedia: Decathlon / Q184654