Bratislavako portua

Bratislavako portua (eslovakieraz: Prístav Bratislava) Danubioren ertzeko Eslovakiako ibai portua da. Itsaso Beltzarekin eta, Rhin-Main-Danubio ubidea ireki zenetik, Ipar itsasoarekin loturik dago. Bratislavakoa eta Komárnokoa dira herrialde honetako bi nazioarteko portuak.

Portuak bi zati ditu: bidaiari kaia, hiri zaharraren (Staré Mesto) ondoan, eta merkataritza kaia, Ružinov auzoan. Azken honek garrantzi itzela du Eslovakiako ekonomian. 2004an 1,5 milioi tona zama mugitu ziren bertan.